Tamattaasa suua?
Peqatigiiffiuvoq atugarissaarneq aammalu qinngasaaruttarneq akiorniarlugu suliniaqatigiiffiusoq
Suliniaqatigiiffik upernaakkut 2022-mi Erla Vintherip suliniuteqarneratigut aallarnerneqarpoq.
Erla Vintheri ernuttami qinngasaarneqarnerata kingorna ilaqutaaariit qanoq sunnerneqarnerat misigisaqarfigaa. Erlap paasilerpaa qinngasaaruttarneq iluamik paasineqarsimanngitsoq, aammalu atuarfiup avatangiisaasalu annertunerusumik sulissuteqannginnerat.
Erlap pisimasoq misigisartik siammartilermagu meeqqanit, inuusuttuaqqanit, inersimasunit kiisalu utoqqarnit tusartalerpaa assingusumik misigisaqartoqartartoq.
Tamatuma kingorna peqatigiiffik aallarnerneqarpoq. Siulersuisut pilersinneqarput siunissamilu sulissutigineqartussat eqqartorneqarlutik. Peqatigiiffiup aallarnerneqarnera Sermitsiaq-mit malinnaaffigineqarpoq. Sullissiumatooq Kalaallit Nunaanni qinngasaaruttarneq akiorniarlugu peqatigiiffimmik aallartitsisoq
Logo
Ilisarnaaterput (logo) Minik Steenholdt-mik ateqartup pilersippaa, logo-p oqaatiginiarpaalusooq ataqatigiinneq, ikinngutigiinneq, akaareqatigiinneq/akuersaarsinnaaneq qanorluunniit assigiinngitsigigaluarutta anguneqarsinnaasoq.
Taamatullu assigiinngissuseqaraluarluta takuneqarsinnaaginnarani iliuuserisartakkatsinniittariaqartoq. Tamatta assigiinngussuseqarnerput nukiussaaq, isumassarsiorfiussaaq atugarissaarnissatsinnullu inuup pitsaasumik inooqataanerminut misigititsiviussalluni.