Isumaqanngilagut inoqammik peersitsisarneq akiorniarlugu qinngasaarisaarisoqartarnera inunnut ataasiakkaanut pisuutitsiniutigissallugu naammattoq - qinngasaarisumut imaluunniit qinngasaartittumut.
Qinngasaaruttarneq piffinni aaliangersimasuni atassuteqaqatigiittarnermullu tunngasuuvoq. Piffiup toqqissisimasup ilisarnaatigigaa akuersaartumik annertuumillu akaareqatigiilluni ataatsimoorussaqarneq. Piffimmi taamaattumiinneq isumaqanngilaq piffik akerleriinnertaqanngitsoq, - akeriittoqarsinnaavoq tamanilli inissaqatitsigaanni akerleriinnerit qaangerneqarsinnaasarput.
Qinngasaaruttarneq eqimattakkaani/ataatsimoorfiusuni piusarmat maluginiagassaavoq, pisunut inoqammut isiginnaartuinnaasarneq qinngasaaruttarnerup annikillisinnaarpiannginneranut pissutaaqataasartoq.
Taamaattumik Tamattaasap inuit isiginnaartuinnaasartut pisunut akulerunnerusarnissaat annertusaavigissavaa. Misilittakkat takutereerpaat pisunut isiginneqataasut akulerullutik oqaasertalersuileraangata qinngasaaruttarnerup akiorniarneqarnera kimeqarnerulluni aallartittartoq