Tamattaasap siunertaa
Sammisaqartitsinissanillu anguniagai
Tamattaasa aaliangersimasunik sisamanik sammisassanikk 2023-2025-mut anguniagaqarpoq.
- Kissaatigaarput paasissallugu qinngasaaruttarnerup aallaavia aammalu kingunerisinnaasai paasiniaavigeriarlugit siammartissallugit. Uagutsinnut pingaarnerpaavoq siammartissallugu ilumut pimoorussilluarnikkut qinngasaaruttarneq minnerpaaffianiitinneqarsinnaasoq.
- Inoqatitta oqaluttuaasa kinaassusaat saqqummiutinngikkaluarlugit paasissutissatut suliariniarpagut.
- Atuarfinni tamani ulloqartitsisalerusuppugut taallugu ”ulloq qinngasaaruffiunngitsoq”
- Qinngasaaruttarneq akiorniarlugu suliniartut ilinniartitsisut, perorsaasut, innuttaasut aallartitaat, atuartut aallartitaat kiisalu suliffeqarfiit suliniutaannik tapersersussavagut.
- Inoqarfinni allani Tamattaasa peqatigiiffittut aallartinneqartarnissaa ikiutaaffigisassavarput.
Peqatigiiffik patajaannerulerlunilu nukittunerulerpat sammisassanik allanik aallarnisaassaagut.
Tamattaasa Sunaava?
Peqatigiiffiuvoq atugarissaarneq aammalu qinngasaaruttarneq akiorniarlugu suliniaqatigiiffiusoq.
Suliniaqatigiiffik upernaakkut 2022-mi Erla Vintherip suliniuteqarneratigut aallarnerneqarpoq. Erla Vintheri ernuttami qinngasaarneqarnerata kingorna ilaqutaaariit qanoq sunnerneqarnerat misigisaqarfigaa. Erlap paasilerpaa qinngasaaruttarneq iluamik paasineqarsimanngitsoq, aammalu atuarfiup avatangiisaasalu annertunerusumik sulissuteqannginnerat. Erlap pisimasoq misigisartik siammartilermagu meeqqanit, inuusuttuaqqanit, inersimasunit kiisalu utoqqarnit tusartalerpaa assingusumik misigisaqartoqartartoq. Tamatuma kingorna peqatigiiffik aallarnerneqarpoq. Siulersuisut pilersinneqarput siunissamilu sulissutigineqartussat eqqartorneqarlutik. Peqatigiiffiup aallarnerneqarnera Sermitsiaq-mit malinnaaffigineqarpoq.
Sullissiumatooq Kalaallit Nunaanni qinngasaaruttarneq akiorniarlugu peqatigiiffimmik aallartitsisoq
Ikiuutit ilisimasallu
Tamattaasa suliamut pikkorissusermut allarpassuarninngaanniit ”atornikuuvoq”. Ataani paasissutissat paaasisaqarnerunissamut tikkuussisut, paasisallu nutaajunerusut sumi pissarsiarisinnaaneritit takutissavagut:
Tusaannga
Meeqqat, inuusuttut inersimasullu tamarmik oqaloqateqarnissamik allaqateqarnissamilluunniit pisariaqartitsisut Tusaannga attavigisinnaavaat. Tusaanngamut attaveqarneq kinaassutsimik isertuussisinnaaffiuutigaluni akeqanngilaq – aamma Tusassit imaqanngikkaluarpalluunniit sianersinnaavutit allallutilluunniit.
Telefon: 80 11 80
SMS: 18 99
Ammasarfiit:
Sapaat - Sisamanngorneq 09:00 – 00:00
Tallimanngorneq - Arfininngorneq 09:00 – 04:00
Najorti
”Nasjorti” tassaavoq inersimasoq, oqartussaasunut attaveqarninni ikiuussinnaasoq, kommunimillu ataatsimeeqateqarninni peqatigisinnaasat.
-
Angerlarsimaffissinni toqqissisimanngilatit?
-
Pisinnaatitaaffitit naluigit?
-
Kommunimut attaveqarniarninni inummik ikiuussinnaasumik amigaateqarpit?
-
Inummik tatigisinnaasannik ataatsimiinnermilu ilinnik ikiorsiisinnaasumik pisariaqartitsivit?
-
Upperineqanngilatit?
Uunga sianerit: 290028 imaluunniit
Messengerikkut allaffigitigut
Pimmatiginnittarneq paaqqinnittarfinni, meeqqat atuarfianni orniguttarfinni inuusuttullu ilinniarfiini akiorniarlugu periusissiaq uani atuarsinnaavat.
Katinngat – nikassaaneq pillugu titartakkamik filmiliaq
Nikassaasarneq pillugu paasisat kingulliit aallaavigalugit filmiliaavoq.
Meeqqat akornganni nikassaasarneq sooq aallartittarnersoq filmimi takutinneqassaaq, nikassaasarnerlu pillugu oqaatigineqartartut ilumuunngitsut suunersut saqqummiussisoqassalluni, taamaasilluta eqqumaffigilerniassagatsigu nikassaasarneq pinaveersaartinniarlugu unitsinniarlugulu qanoq iliuuseqarnissarput